Imiterere y'amazina y'inka :
Ni ukuvuga imikoreshereze y'ubutinde bw'inyajwi.
Babipimye bate rero?
Reka tugendere kuri uru rugero kugira ngo dushobore kubyumva.
"Rutiimiirwa ziri mu mihigo"
Turabona muri uyu mukarago ko inyajwi ya mbere ifite ubutinde bubangutse, iya kabiri n'iya gatatu zikagira ubutinde bunimbitse, izikurikiyeho zose zikagira ubutinde bubangutse.
Akabangutso kakaba rero gahwanye n'inyajwi ibangutse, naho inyajwi inimbitse ikagira utubangutso tubiri.
Urugero tumaze kubona rukaba rubara utubangutso 12.
Abasesenguye amazina y'inka babyitondeye basanze.
- Hari agizwe n'imikarago ifite utubangutso 9.
Urugero :
Inka ya Rumonyi.
Rutagwaabiz(a) iminega.
(i) nkuba zeesa mu bihogo.
Rwaa mugabo nyirigira.
(i) mbizi(i) isaanganizw(a) ingoma.
n'umugabe w'i Ruyuumba.
(i)kiiseesuur(a) imbibe.
- Hari agizwe n'imikarago ifite utubangutso 10.
Urugero :
Inka y'i Nyanza.
Ruti rwuuhira isahaaha.
ingabo zihomerera impuunzi.
rwaa manywa ya rugemahabi.
Inkaburano y'impiingaane.
Ya rukanikandoongoozi.
Irazimena zigakubita.
Zigituruka mu kireere.
- Hari agizwe n'imikarago y'utubangutso 12.
Urugero :
Inka ya Musoni.
Rwiiyamirira yuuhira imbuga.
(I) nkuba zihiindura abanyabihogo.
Rwaa Miriindi ya Siimugomwa.
Imaana yaremye inyamibwa y'Impeta.
Ntiibeho urugiingo uyihinyura.
Yamara kuyigira intayoberana.
Icyitonderwa :
Mu ibara ry'utubangutso, iyo inyajwi ebyiri zikurikiranye, iya mbere iburizwamo; inyajwi itangira umugemo ntibarwa.
Imvano y'amazina y'inka : 